Baleti kontemporan “Agimi i kohës” u vendos në skenë si shfaqja permbyllese e Festivalit te Kercimit Bashkekohor nga koreografi Blenard Aazizaj. I vendosur përballë një peizazhi të fragmentuar që pasqyron kompleksitetin e jetës, “The Dawn of Time” (Agimi i kohës) bëhet një metaforë për udhëtimin njerëzor. Trupa artistike e baletit të Teatrit Kombëtar të Operës dhe Baletit përmbylli me këtë shfaqje Festivalin. Të bërë bashkë në një shfaqje të fuqishme të fizikes dhe emocioneve, me një energji të papërpunuar në veprim, ata eksploruan kufijtë e funksionit të tyre emocional, jo vetëm fizik. Blenard Azizaj është një koreograf që ka qenë pjesë dhe në edicionin e parë të këtij festivali me shfaqen “Migrimi i Madh”. Ai ka punuar dhe bashkëpunuar me kompani të ndryshme në të gjithë Evropën, si Sasha Waltz & Guests në Berlin, Kompania Akram Khan në Londër dhe Cie Linga në Lozanë. Karriera e tij e ka çuar në të gjithë globin, duke bërë turne dhe duke performuar në festivale ndërkombëtare të vallëzimit.