Komedia “8 femra dhe një mister”, për dy ditë me radhë ka bërë për vete artëdashësit, në Lezhë. I apasionuar pas aktrimit, Xhilberto Gega kësaj here guxoi dhe erdhi si regjizor, edhe pse vetëm 17 vjeç. Aktorët në këtë komedi ishin të gjithë të rinj, por falë talentit te tyre mbushën sallën e Pallatit të Kulturës në Lezhë. Shfaqje te tilla synojnë pasurimin e jetës kulturore në qytetin e Lezhës, e cila falë artistëve të rinj ka nisur të gjallërohet gjatë viteve të fundit.