Kosova këtë të hënë feston 17-vjetorin e Pavarësisë. Për nder të ditës së shpalljes së Kosovës shtet, qeveria mbajti mbledhjen solemne. E shënimi i kësaj dite vazdoi me ngritjen e flamurit të Kosovës pranë institucioneve kryesore. Nga aty, liderët shtetëror përcollën mesazhet e urimit. Liderët shtetëror po ashtu nderuan edhe sakrificën e atyre që luftuan për liri. Bënë homazhe pranë varrit të presidentit historik, Ibrahim Rugovës, veprimtarit Adem Demaçit e bënë homazhe edhe në Prekaz te varret e familjes Jashari. Në nder të Ditës së Pavarësisë në sheshet e Prishtinës parakalon Forca e Sigurisë së Kosovës dhe Policia. Ndërkohë, për herë të parë mbahet edhe konferenca shkencore për krimet e luftës. Në mbremje, organizuar nga Presidëntja e Kosovës dhe Kryeministri bëhet pritja shtetërore. Kosova shpalli pavarësinë më 17 shkurt 2008.