Kufinjtë tokësor mund të mbyllen por ato të muzikës qëndrojnë gjithmonë hapur duke bashkuar popujt. Shkodra u bë qyteti mikpritës, ku artistë nga i gjithë Ballkani performuan së bashku për disa net me radhë, e për të finalizuar këtë bashkëpunim në natën finale të festivalit “Muzika mbi të gjithë kufinjtë” Për drejtorin artistik profesor Lorenc Radovanin, realizimi ishte i vështirë për shkak të pandemisë por ia dolën me sukses. Isak Haracic nga Serbia dhe Ana Maria Maric nga Bosnja duke vlerësuar mikpritjen në Shqipëri shpresojnë që të vazhdojë ky projekt. “Është i vetmi rast që unë marr pjese në një koncert të tillë ballkanik dhe jam i kënaqur. Ishte pak e vështirë të interpretoja muzike shqiptare por e kërkova vetë pasi ju më mirëpritet.”