Renid Tosuni- Pas këndit të lojrave, vaj në kanavacë, 45x58 cm, çmimi fillestar 1000 euro. Kontaktoni në 00355686047773 Në kërkimin e tij artistik, Renid Tosuni eksploron lidhjet mes kujtesës dhe natyrës, duke krijuar piktura dhe instalacione që reflektojnë mbi këto lidhje. Në këtë ekspozitë në veçanti, artisti zhytet në një territor intim dhe personal, ku karakteri dhe origjina bëhen pikat kryesore. Përmes një atmosfere të butë dhe të ndjeshme, Tosuni transmeton rëndësinë e rrënjëve dhe rendësinë e përvojave të tij të lidhura me natyrën. Artisti përdor imazhin e fëmijes së vogël, si simbol i pafajësisë, për të evokuar ndjenjën e humbjes së brendshme. Kjo humbje brendësie shfaqet nga distanca fizike prej vendit të lindjes dhe rritjes, si dhe nga vetdija e artistit, se kujtimet e tij janë te filtruar përmes një perceptimi personal.