Vaj në kanavacë, 70 x 50 cm, Viti: 2003 , cmimi fillestar 4000 euro. Piktor, skenograf, grafist, dizajner. Ksenofon Dilo mban titullin “Piktori Merituar”. Piktori Ksenofon Dilo ishte pjesë e artistëve të Realizmit Socialist të cilët u përgatitën në Akademitë lindore të kampit Socialist në Pragë-Çekosllovaki, ku ishte dhe studenti i parë në artet figurative për skenografi. Artisti Dilo ishte një skenograf dhe piktor me prirje novatore, dekorative moderne. Ai ka marrë pjesë në të gjitha veprimtaritë Kombëtare dhe Ndërkombëtare të kohës. Ksenofon Dilo është themeluesi i skenografisë filmike moderne shqiptare. Veprat e tij janë kryesisht pejsazhe, natyra të qeta në vaj, akuarel, dhe pastel. Në veprën e tij rëndësi të madhe ka pasur puna e tij si piktor filmi ku mund të kujtojmë filmat: “Debatik” (1961), Komisari i dritës” (1964), “Vitet e para”(1966), “Çifti ilumtur” (1977) etj. Gjithashtu ai ka shkruar skenarin e filmit “Kur zbardhi një ditë” (1968), “Përse bie kjo daulle” (1970) dhe më vonë filmin serial “I treti” (1977). Artisti ekspozoi për herë të parë në vitin 1959 me një punim në peizazh në Ekspozitën Kombëtare të 15 vjetorit të Çlirimit. Në vitin 1973 ekspozoi në Grac – Austri dhe vizitoi Parisin së bashku me piktorin Danish Jukniu dhe skulptorin Kristaq Rama. Veprat e tij në pikturë u ekspozuan në ekspozitën e tij vetjake në Moskë (1959), në Ekspozitën e Pllakatit (1960),në Bienalen e Aleksandrisë (Egjipt), në Bienalen e Ankarasë, 1986 (Turqi), Itali, Francë , Greqi etj.