Përgjatë 20 viteve të çlirimit, Kompleksi memorial “Adem Jashari” ka qenë pasqyra kyçe e luftës së fundit në Kosovë. Gjatë sulmeve serbe të datave 5, 6 dhe 7 mars të vitit 1998 ranë dëshmorë 55 anëtarë të lagjes “Jashari”, 20 prej tyre të familjes së komandantit Adem Jashari. Por ky kompleks, që flet shumë për historinë, ka filluar të mos i rezistojë kohës. Kjo, edhe si pasojë e moskujdesit të mjaftueshëm nga institucionet e vendit.