Në plazh, vaj në kanavacë, 60x80cm, viti 2014 cmimi fillestar 3000 euro. Bio e shkurter; Hasan Nallbani (l. 1934) në Berat Shqipëri. Në vitin 1949 studioi në Liceun Artistik “Jordan Misja” në Tiranë. Nga viti 1949 deri në vitin 1954 ishte nxënës i piktorit Nexhmedin Zajmi. Në vitin 1954 punoi si skenograf në Teatrin Kombëtar të Tiranës. Gjatë viteve 1959-1964 Nallbani studioi në Akademinë e Arteve në Tiranë, në atelienë e piktorit Guri Madhi. Ai ka nisur të ekspozojë piktura si “Refugjatët” dhe një sërë peizazhesh në Tiranë. Në vitin 1968 fitoi çmimin e tretë në Konkursin Kombëtar të tablosë artistike “Letër nga selia”. Ekspozita e tij personale u hap në vitin 1984 në Galerinë Kombëtare në Tiranë. Në të njëjtin vit ai ekspozoi në Bienalen e Aleksandrisë, Egjipt. Ai projektoi Muzeun Ikonografik “Onufri”, me objektet ndihmëse të Katedrales “Sh. Maria” në Kalanë e Beratit. Nga viti 1986 deri në vitin 1988 ai ekspozoi në Bienalen e Ankarasë, Turqi. Pas viteve ’90, Nallbani ishte pjesë e shumë ekspozitave në Shqipëri. Në vitin 1993 ekspozoi në Francë. Në vitin 1998 Nallbani ekspozoi “Magazin” dhe “Mediterra-nea” në Bari të Italisë. Në vitin 2008 u kualifikua si Artisti Pamor më i Mirë i Vitit dhe në vitin 2010 u nderua me Çmimin e Konkursit Ndërkombëtar “Onufri”.