Pezull e quan Blerta Xhomo këtë ekspozitë, sepse edhe vetë gjendja e saj e tillë është. Pezull kundrejt lëvizjes gravitacionale, gjendjes së saj psikologjike, por edhe gjendjes në tërësinë sociale dhe politike të vendit. I janë dashur jo pak, por dy vjet, për të na përgatitur dhe për të na futur në këtë ekspozitë. Ajo ka punuar për të na treguar që asgjë nuk dihet se cdo të ndodhë në të nesërmen. Prandaj edhe titulli është “Pezull”, por ajo që dihet më siguri është që arti është një rrugë plot me sakrifica. “Po. Subjeketi vjen natyrshëm së brendshmi. Por shpesh edhe si pasojë e rrethanave përreth. Subjekti në këtë ekspozitë është përkorsi njerëzor. Është trajta njerëzore, gjithë forca, akumulimi dhe energjia e tij për të vijuar. Quhet “Pezull” dhe unë kam marrë indicie nga dy cikle, sepse kjo ekspozitë në vetvete përmban dy cikle. Vjen e tillë për t’i mëshuar më shumë idesë, forcës dhe qëllimit tim”, shprehet Blerta Xhomo, piktore. Sipas kuratorit Blerta Xhomo i orienton ndjesitë për interpretimin e hapësirës piktoriale si territori që kultivon optimizëm, apo herazi si shkaktezë e një ekspresioni drite që kthehet në ritëm dhe energji. “Ka një pastrim në pikturën e saj. Ja kemi arritur qëllimit që ajo ta shohë pikturën ndryshe, jo ta shohë si një proces i narracionit në pikturë, por ta shikojë si një proces i një pikture të parë në mënyrë disi më bashkëkohore kësaj radhë. Ajo modelon mirë hapësirën, formatin, e thërrmon pikturën. merr modulin dhe e zhvillon dhe nëpërmjet këtij moduli që e gjen si pretekst të pikturuari, ajo ndërton një situatë krejtësisht ndryshe nga ajo çfarë kishte tre katër vjet më përpara”, tha Vladimir Myrtezai, kurator. Xhomo është një personazh interesant në botën shqiptare. Ajo të bën të besosh që arti është një e papritur, por edhe sakrificë për të mos rënë dakord me asnjë skemë.