Emisioni investigativ Fiks Fare ka trajtuar mbrëmjen e sotme një rast mashtrimi, ku një qytetare shqiptare, që jeton në Belgjikë, denoncon Fisnik Sylën se i ka marrë 25 mijë euro me premtimin se do t’i bënte dokumentet belge, por pasi ka marrë paratë është zhdukur dhe nuk ia ka bërë dokumentet. Qytetarja, e cila për arsye sigurie ka zgjedhur të mbetet anonime, ka vënë në dispozicion të redaksisë një sërë mesazhesh zanore dhe video, ku sipas saj, Fisnik Syla i kërkonte shuma të mëdha parash, duke i garantuar se menjëherë pas pagesës do të merrte dokumetat belge. Në këto komunikime, Syla herë pas here i tregon qytetares se është i fuqishëm në atë shtet sa mundet që gjithë shtetin e ka në majë të gishtit. Pas marrjes së 25 mijë eurove Syla, nuk ka bërë asnjë veprim, por është zhdukur. Ndërsa për Fiksin sqaroi se nuk e njihte fare zonjën në fjalë edhe pse u vu para shumë fakteve.