Prag Vjeshte, vaj në kanavacë, 150 x 140cm, Vitet 2000, çmimi fillestar 6000 euro. Një nga piktorët e rëndësishëm bashkëkohor të artit modern viziv shqiptar të shekullit XX – XXI. Krijimtarinë Shima e nisi pas viteve ’60 të shekullit të XX. Pas studimeve akademike Shima i ri, realizoi disa tablo me temë historiko-sociale dhe ishte pjesëmarrës vetëm në pak ekspozita kombëtare. Ai ekspozoi për publikun disa tablo kompozicionale, por pas refuzimit dhe kritikave të tablove si: “Skënderbeu”(1968, studio e autorit), “Studentja” (1973, studio e autorit), ai nuk ekspozoi më. Kritika përtej oqeanit (Anglisë, Zvicrës, SHBA dhe Singaporit) e vlerësoi Shimën me veprën e tij piktorike si fovist, pasues i Van Gogut dhe i Derain por mbi të gjitha si një kolorist të jashtëzakonshëm. Sigurisht në paletën e ngjyrave të tij mund të ndjehet dhe fuqija e jashtëzakonëshme e ngjyrave të ikonografisë shqiptare dhe e mjeshtrave të saj si: Onufri, Nikolla, Shpataraku dhe Selenicasi. Me muzikalitetin e muzikës së trishtë plot ankth dhe prag tragjedie që rrezatojnë grafikat, vizatimet dhe pikturat e tij të ciklit antidiktaturë, Shima, kontraston dukshëm në punimet e tjera të mbushura me ngjyra shpërthyese, të pastra, dekorative dhe ajër mesdhetar.Në Galerinë Kombëtare të Arteve, Tiranë ndodhen tre vepra të artistit, ndërsa një numër i konsiderueshëm punimesh të tijndoshen në koleksionet e koleksionistëve në Shqipëri, Evropë, SHBA, Lindjen e Largët.