“Fiks Fare” ka faktuar në 28 maj të 2015 se si funksiononte skema e marrjes së parave nën dorë nga mjekët e komisionit mjekësor të spitalit psikiatrik të Vlorës, të cilët pasi morën pagesën prej 50 mijë lekësh të reja firmosën fletëdrejtimin për në KMCAP . Por mjekja që merr paratë përpara kameras së Fiks fare mohon të ketë marrë para, deklaron se video ka ndërhyrje dhe kërkon të fshihet materiali filmik i publikuar. Pesë vjet më parë Fiks Fare solli historinë e një banori nga fshati Gusmar i Gjirokastrës që endej rrugëve të spitaleve për të kërkuar kujdestarinë e vëllai të tij me prapambetje mendore. Gjatë ecejakeve nëpër zyra e spitale pacienti bashkë me të vëllain instruktohen nga infermierët e komisionit të atëhershëm mjekësor psikiatrik të Vlorës, sesi duhet të bëjnë pagesën prej 50 mijë lekësh të reja për mjekët e komisionit. Në takimin e fundit me doktoreshën e komisionit,znj Diana BrahimMuço, ajo nuk pranon që të ulë pagesën prej 50 mijë lekësh,duke u justifikuar me faktin se ka bërë një tolerim , pasi sipas saj, pacientit nuk i takon të përfitojë kujdestarinë. Në këto kushte,vëllai i pacientit në korridorin e spitalit nxjerr 50 mijë lekë të reja, i numëron plot dy herë në prani të doktoreshës BrahimMuço dhe ia jep në dorë. Më pas një sekretare i sjell dokumentin e firmosur edhe nga drejtori, duke mbaruar punë në komisionin mjekësor të shëndetit mendor të Vlorës me 50 mijë lekë. Ndiqni kroniket e transmetuar ne Fiks Fare pesë vjet më parë.