Stërvitjet e kryera këtë javë nga Irani në gji, kishin si qëllim ti dërgonin njuë paralajmërim Izraelit, tha një nga komandantët më të lartë të ushtrisë në mesin e shqetësimeve se izraeli planifikon të godasë sitet bërthamore iraniane. Stërvitjet e rojave revolucionare, përfshinë lëshimin e raketave balistike dhe raketave kruiz. Televizioni shtetëror shfaqi pamje të raketave që godisnin një shënjestër që ngjasonte si reaktori bërthamor izraelit Dimona, në përfundim të stërvitjes të premten. “Përmes një simulimi të impiantit bërthamor Dimona, rojat Revolucionare me sukses praktikuan sulmin mbi këtë qendër kritike të regjimist zionist në stërvitjen e tyre me raketa”, tha agjencia gjysma zyrtare e lajmeve Tasnim. Këto stërvitje kanë dërguar një mesazh shumë të qartë: një paralajmërim serioz dhe real ndaj kërcënimeve nga autoritetet e regjimit zionist që të mësojnë nga gabimet e tyre – tha shefi i rojave revolucionare gjenerali Hossein Salami. “Ne do t’ua presim duart nëse ata bëjnë një lëvizje të gabuar. dallimi mes operacionit real dhe stërvitjes ushtarake është vetëm një ndryshim në këndin e lëshimit të raketave”, tha Salami. Zyrtarët iranianë thanë se 16 raketa balistike të llojeve të ndryshme u lëshuan në të njëjtën kohë dhe shkatërruan objektivat e paracaktuara.