Votuesit zviceranë kanë votuar një referendum për të ndaluar gratë të veshin burka për fytyrën në hapësirat publike. Sipas The Guardian, nga 99% të votave të numëruara, 51.5% e votuesve zviceranë hodhën votat e tyre në favor të nismës për të ndaluar gratë të mbulonin fytyrën e tyre plotësisht në rrugë, në dyqane dhe restorante. Mbulimi i fytyrës do të lejohet ende brenda vendeve të lutjes dhe për zakonet vendase. Po ashtu, do të lejohet mbulimi i fytyrës për arsye shëndetësore, që do të thotë që maskat e fytyrës të përdorura për shkak të pandemisë Covid-19 nuk do të preken nga ligji i ri. Parlamenti i Zvicrës dhe këshilli ekzekutiv me shtatë anëtarë që përbën qeverinë federale të vendit, kundërshtuan propozimin e referendumit. Ata argumentuan se mbulesat e plota të fytyrës përfaqësonin një fenomen të skajshëm dhe në vend të kësaj propozuan një iniciativë që do t’i detyronte njerëzit të ngrinin mbulesat e fytyrës kur u kërkohej të konfirmonin identitetin e tyre zyrtar. Nga ana tjetër, grupet myslimane e kanë kritikuar këtë vendim duke shprehur se ky është qartë një sulm kundër komunitetit mysliman në Zvicër. ‘Ajo që synohet këtu është që të stigmatizohen dhe marxhinalizohen myslimanët edhe më shumë ”, - deklaroi Ines Al Shikh, një anëtar i Les Foulards Violets, për të drejtat e myslimanëve.