Në vitet 1980 paleontologët në universitetin e Kalifornisë vizituan ishullin Seymour dhe morën me vete një numër fosilesh, përfshirë një kockë këmbe dhe një kockë nofulle të pjesshme të dy zogjve prehistorikë. Për dekada, fosilet kanë qëndruar në një muze deri sa një student i diplomuar, filloi hulumtimin e tyre në 2015. Në një studim të publikuar këtë javë në gazetën "Scientific Reports," ai i ka identifikuar zogjtë si pelagornithids, një grup zogjsh gjahtarë që fluturonin mbi oqeanet jugore të tokës për të paktën 60 milionë vite. Ata njihen si dhëmbë-kockorë për shkak të dhëmbëve të tyre të mprehtë dhe të gjatë që i ndihmonin të rrëmbenin peshqit dhe oktapodët nga oqeani. Zogjtë ishin jashtëzakonisht të mëdhenj, me një shtrirje krahësh që shkon deri në 6.4 metra. Ekspertët përcaktuan se kocka e këmbës daton 50 milionë vite më parë dhe ajo e nofullës rreth 40 milionë vite më parë, cka tregon se zogjtë janë shfaqur në erën cenozoike, pasi një asteroid goditi tokën dhe shfarosi thuajse të gjithë dinozaurët.