Një vajzë katër vjecare, Kleo Smith, është zhdukur nga një kamping në australinë perëndimore ndërsa ndodhej atje për një pushim me familjen. Hera e fundit që ajo u pa, të shtunën në orën 1.30 minuta, ndodhej në një tendë me prindërit. Rreth orës 6.30 minuta, nëna u zgjua nga gjumi dhe nuk e kishte gjetur më. Policia ka shprehur shqetësim të madh dhe ka shpërndarë foton e të voglës, me pizhame dhe lëshoi një apel drejtuar të gjithë vizitorëve të kampit për ndonjë informacion të mundshëm. Nëna e vogëlushes, ka treguar se rreth orës 1.30 minuta vajza ishte zgjuar për të kërkuar ujë. Që atëherë nuk e kishte parë më të voglën. Disa orë më vonë, rreth orës 6 të mëngjesit, kishte gjetur tendën të hapur dhe vogëlushja nuk ishte më. “E vetmja gjë që duam është të kemi të voglën në shtëpi” thonë prindërit. Kërkimet vazhdojnë pa pushim. Për momentin, autoritetet nuk kanë ngritur asnjë hipotezë dhe të gjitha pistat konsiderohen të mundshme.