Presidenti ukrainas dënoi liderët evropianë për vendimin e tyre të vitit 2008, për të mos lejuar Ukrainën të anëtarësohet në NATO. Komentet e Zelenskit pasojnë raportet shokuese për vrasje masive në Bucha, në periferinë e Kievit. Gjermania dhe Franca rrëzuan kërkesën e Ukrainës për tu anëtarësuar në NATO gjatë një samiti në 2008-ën. Presidenti ukrainas, ftoi ish kancelaren gjermane angela Merkel të shohë varret masive në Bucha, duke thënë se ato ishin rezultat i vendimit të saj të 2008-ës.Ai i bëri këto komente në një fjalim drejtuar kombit, pas raporteve dhe imazheve shokuese që treguan mizoritë e qytezës në periferi të Kievit që u rimor nga trupat ukrainase javën e shkuar. Në fjalimin e tij Zelenski akuzoi Rusinë për genocid dhe vecoi Merkelin dhe Nikolas Sarkozinë, ish presidentin e francës, për rolet e tyre në samitin e NATO-s në Bukuresht të Rumanisë, në 2008-ën. “Nën deklaratat diplomatike optimiste se ukraina mund të bëhej një vend anëtar i NATO-s, atëherë në 2008-ën, refuzimi i kërkesës sonë u fsheh. Frika absurde e disa politikanëve kundrejt rusisë, u fsheh po ashtu”, tha Zelenski. “Ata menduan se duke refuzuar Ukrainën, ata do të mund të kënaqnin rusinë, ta bindnin atë të respektonte Ukrainën dhe të jetonin normalisht pranë nesh”, tha ai. “Unë ftoj zonjën Merkel dhe zotin Sarkozi, të vizitojnë Buchan dhe të shohin se cfarë ka shkaktuar politika e lëshimeve për rusinë ndër vite. Të shohin me sytë e tyre burrat dhe gratë ukrainase të torturuar”. Gjatë samitit të 2008-ës, liderët e NATO-s diskutuan kërkesën e Ukrainës dhe Gjeorgjisë për tu anëtarësuar në aleancë, që kërkohet për cdo vend që do të nisë hapat e anëtarësimit. Ndërsa presidenti i atëhershëm amerikan Xhorxh Bush, kërkoi që të dyja vendeve tu ndizej drita jeshile, gjermania dhe franca argumentuan se një hap i tillë do të thellonte përplasjet me rusinë, që kundërshtoi fuqimisht kërkesën e Ukrainës.