E përditshmja spanjolle “Mundo Deportivo” i ka kushtuar një artikull rivierës shqiptare, ndërsa ofron gjithë lexuesit e saj që të vizitojnë Shqipërinë për të kaluar pushimet. Aeroporti Barcelona-El Prat ofron alternativa vërtet ekonomike për një arratisje në destinacionet e reja – për të zbuluar një kulturë tjetër, një gastronomi tjetër ose thjesht për të pushuar, thuhet në artikull ndërsa specifikohet se fluturimet drejt Shqipërisë janë të përballueshme pasi udhëtimi nga Barcelona në Tiranë kushton 50 euro. Riviera Shqiptare është cilësuar si “Karaibet e Evropës” nga ekspertët e udhëtimeve.për këtë arsye, media spanjolle rendit një sërë destinacionesh për t’u vizituar. Nga kryeqyteti i Shqipërisë, Tirana, në më pak se një orë me makinë do të gjendeni në bregdetin magjepsës shqiptar, thuhet në artikull, ndërsa në krye të listës qëndron Ksamili për atë që zgjedhin plazhin, Berati për rafting ndërsa për adhuruesit e maleve, Parku Kombëtar i Valbonës. Në Listë nuk mungon as gjirokastra. Por krahas këtyre zonave, Mundo Deportivo sugjeron që nga Shqipëria, mund të vizitohet dhe Kosova e Mali I Zi apo dhe Maqedonia e Veriut.