Llava ka rrjedhur dikur nga një vullkan në një liqen të lashtë në mars. Roveri Perseverancë i NASA-s, u ul në planet vetëm 10 muaj më parë, por ka bërë ndërkohë këtë zbulim surprizë. Të dhënat më të fundit të përcjella në tokë prej tij, tregojnë se shtrati ku ai ka qëndruar dhe ecur që kur u ul në sipërfaqen marsiane, dikur është formuar nga rrjedha llave vullkanike, dicka kjo krejtësisht e papritur, sipas misionit të shkencëtarëve. Shkëmbinjtë që Perserverancë ka mbledhur deri më tani për ti analizuar kanë treguar edhe se ata kanë ndërvepruar me ujin disa herë, me disa prej tyre që mbajnë edhe molekula organike. Këto zbulime do të ndihmojnë shkencëtarët të krijojnë një histori të detajuar të eventeve që kanë ndodhur në kraterin Jezero, ku dikur ndodhej një liqen i lashtë dhe ofron një kuptim më të mirë të marsit. Deri më tani, Perseverancë ka mbledhur katër kampione shkëmbinjsh dhe planifikon të mbledhë edhe 37 të tjerë. Këto kampionë do të kthehen në tokë nga misione të ardhshme dhe do të mund të studiohen deri në detaje. Kampionët nga krateri Jezero dhe delta e tij, mund të zbulojnë nëse jeta ka ekzistuar ndonjëherë në mars.