Shadi Nauf al-Sadeh, udhëtari misterioz me origjinë arabe, i cili ishte në listën e të mbijetuarve në një spital në Sofje, doli në mediat bullgare duke thënë se nuk ka asnjë lidhje me aksidentin tragjik dhe se ishte vendosur gabimisht në listë. Al-Sadeh, shtetas bullgar, tha se ishte në spitalin Pirogov sepse kishte thyer krahun dhe nuk e dinte pse ishte shkruar emri i tij në listën e të mbijetuarve. Të shtunën, ai u shtrua në departamentin e traumës së spitalit. Konfuzioni mbi emrin e Shadi al-Saleh në listë ka ndezur shumë spekulime se kush ishte “pasagjeri i tetë” misterioz që i mbijetoi përplasjes. Djali i njërit prej shoferëve të autobusit tha se kishte parë emrin e al-Saleh të shkruar pranë emrave të të mbijetuarve të tjerë. Ndërkohë në autobusin e djegur në autostradën “Struma” është shfaqur një tjetër pasagjer, por gabimisht ka futur valixhet në një autobus tjetër të “Besa Trans” dhe ka udhëtuar me të. Sipas televizionit, gabimi ka ndodhur në spitalin “Pirogov”, sepse ka pasur mospërputhje mes listës së të lënduarve në aksident dhe listës së pjesëmarrësve në udhëtimin e kompanisë turistike maqedonase.