Nata e tretë e protestave në Kenosha të Wisconsin në SHBA mori kthesë të dhunshme. Dy persona u vranë e një tjetër u plagos gjatë trazirave të nxitura nga plagosja prej policisë e një afrikano-amerikani, i cili mbeti i paralizuar. Jacob Blake, 29 vjec u qëllua ndërsa mbështetej në makinën e tij ku kishte fëmijët e vegjël që nisën të ulërinin. Avokatët e Blake thonë se do të jetë një mrekulli nëse ai arrin të ecë përsëri. Identiteti I dy viktimave, që vdiqën gjatë protestave nuk është bërë ende I ditur. Një hetim ka nisur mbi ngjarjen e rëndë, dhe do të fokusohet sipas burimeve policore mbi një grup njerëzish me armë zjarri përpara një pike karburanti. Kaosi ka shpërthyer në qytet ku pamjet filmike tregojnë civilë të armatosur, një pjesë edhe të veshur me rroba që imitojnë ato ushtarake, duke qëndruar përpara biznesve të cilat thonë se po i mbrojnë. Protesta të mëhershme kanë rezultuar me dëmtimin e zyrave qeveritare dhe pronave private, ndaj ka raporte se disa njerëz po organizohen vetë për të mbajtur larg vandalët e grabitësit.