Lufta në Ukrainë vijon të kryesojë axhendën e presidentit amerikan, Donald Trump. Kreu i Shtëpisë së Bardhë tha të mërkurën se synon të zhvillojë bisedime në ditët e ardhshme, pasi takimi i zhvilluar në gusht me presidentin e Rusisë, Vladimir Putin, nuk solli ndonjë përparim. Trump edhe njëherë nuk e fshehu zhgënjimin për të dnaluar luftën e Rusisë në territorin ukrainas. Trump tha se do bisedimet do të mbahen në ditët e ardhshme. Ndërkohë nga ana tjetë sipas një zyrtari të Shtëpisë së Bardhë, Trump pritet të flasë këtë të enjte në telefon me presidentin e Ukrainës, Volodymyr Zelensky. Presidenca franceze po ashtu beri me dije gjatë të mërkurës se disa liderë evropianë, përfshirë Zelenskyn dhe presidentin francez, Emmanuel Macron, do ta telefonojnë Trumpin në orët e pasdites së kësaj të enjtjeje. Kjo telefonatë pritet ta pasojë dhe një takim kryesisht virtual të enjten, te organizuar nga Franca, me rreth 30 vende, për të diskutuar përpjekjet e tyre të fundit për t’i ofruar Ukrainës garanci të sigurisë, sapo të ketë marrëveshje paqeje me Rusinë.