Presidenti i Serbisë, Aleksandër Vuçic ka zbuluar nëse do të marrë pjesë në bisedimet në Bruksel. Duke folurpara gazetarëve, pas një mbledhjeje të përbashkët të qeverive të Serbisë dhe Hungarisë, ai tha se nuk do të flas me (Albin) Kurtin derisa të lirohet çdo serb i arrestuar dhe derisa kryetarët e tyre të dalin nga komunat. “E dini, Kurti ka gjëra më të rëndësishme për të bërë në Vatikan, për të kërkuar njohjen e pavarësisë së Kosovës”, citohet të ketë thënë presidenti Serbisë. Presidenti i Serbisë ka shtuar se nuk është e vërtetë që shqiptarët e arrestuar janë trajtuar keq. “Ata ëmbëlsira dhe asgjë nuk u mungon…”, ka thënë më tej Vuçic. Serbia tha se ata u arrestuan “thellë” brenda territorit të saj, por Kosova tha se ata ishin duke patrulluar në territorin e Kosovës, pranë vijës kufitare me Serbinë në Leposaviq. Policëve u është caktuar masa e paraburgimit prej një muaji dhe ata po mbahen në një burg në Kralevë.