Operacionalja në bashkëpunim me Forcën Speciale RENEA ka arrestuar dy shtetas të shpallur në kërkim të dyshuar për rrëmbimin dhe vrasjen e të riut Renis Dobra. Në pranga ranë vëllezërit Kristi dhe Aleksandër Bushgjoka, të cilët akuzohen si bashkëpunëtorë në rrëmbimin dhe mbajtjen peng të riut, trupi i pajetë i të cilit u gjet në liqenin e Ulzës, në Shkopet. Dy vëllezërit u arrestuan në një apartament në Tiranë. Këta shtetas ishin shpallur në kërkim pas vendimit të Gjykatës së Shkallës së Parë Dibër, ndërsa hetimet tregojnë se ata kanë vepruar në bashkëpunim me vëllanë e tyre Fation Bushgjokaj dhe me shtetasin Petrit Çakrri, tashmë të arrestuar disa ditë pas ngjarjes për veprat penale “Vrasja me paramendim” dhe “Rrëmbimi dhe mbajtja peng e personit”. Dy të arrestuarit e fundit janë dërguar në Drejtoria Vendore e Policisë Dibër, ku do të vijojnë hetimet për zbardhjen e plotë të ngjarjes. Renis Dobra u rrëmbye dhe u vra me litar mbrëmjen e 8 korrikut. Ndërsa 8 ditë pas vrasjes u zbuuan detajet që fshiheshin pas ngjarjes së rëndë kriminale. Shkak dyshohet prishja e pazareve të drogës në Gjermani.