Tre efektivë policie në Francë humbën jetën në mënyrë tragjike, të qëlluar për vdekje teksa po përpiqeshin një ndihmonin një grua, e cila po dhunohej nga partneri I saj. Për t`i shpëtuar egërsisë së tij, gruaja kishte arritur të ngjitej në cati. Burri I armatosur hapi zjarr sapo policët u afruan dhe më pas I vuri flakën shtëpisë. I dyshuari, një 48 vjecar, u gjet më vonë I vdekur. Burime policore pohuan se ai kishte vrare veten brenda makinës së tij. Mësohet se personi ishte I njohur për autoritetet për shkak të disa përplasjeve të mëhershme për cështje që lidheshin me kujdestarinë e fëmijëve. Policët e vrarë janë të moshave 21, 37 dhe 45 vjec. Një tjetër ka mbetur I plagosur, por është jashtë rrezikut për jetën. Ndaj episodit të rëndë në fshatin e largët Saint-Just reagoi menjëherë ministri I brendshëm Gérald Darmanin, I cili shprehu trishtimin e thellë për jetët e humbura dhe tha se ky rast nxjerr edhe një herë në pah rreziqet ndaj të cilave ekspozohen efektivët e policisë në detyrat e tyre të përditëshme.