Një erë e re ka nisur në evropë dhe vitet e angazhimit të palëkundur amerikan për mbrojtjen e evropës kanë ikur...E kështu do të jetë të paktën për sa kohë që Donald Trump është në shtëpinë e bardhë. “Evropa duhet të sigurojë mbrojtjen e saj”, u tha zëvendëspresidenti i SHBA JD Vance vendimmarrësve në Mynih në shkurt. Përgjigja e Evropës deri më tani ka qenë zotimi për të rritur shpenzimet ushtarake brenda territorit të saj dhe për Ukrainën, me synimin për blerjen e armatimeve të prodhuara në kontinent. Por gjithashtu është shfaqur edhe një zgjidhje më radikale: një "ombrellë bërthamore" evropiane. Franca dhe Mbretëria e Bashkuar janë fuqi të vjetra bërthamore, dhe disa liderë evropianë po shikojnë drejt tyre. Pjesa më e madhe e armëve bërthamore në botë janë në pronësi të SHBA ose Rusisë, ndërkohë që Franca ka rreth 290 koka bërthamore dhe Britania e Madhe 225 nga raketat Trident të projektuara nga SHBA. Presidenti francez Emmanuel Macron në fillim të këtij muaji propozoi një ombrellë bërthamore të zgjeruar për aleatët evropianë. Kancelari i ardhshëm gjerman Friedrich Merz, kryeministri polak Donald Tusk, e madje edhe udhëheqës nga vende historikisht të distancuara nga armët bërthamore, si suedia dhe danimarka, e kanë mirëpritur hapin e francës.