Një tjetër dramë e lidhur me armët e zjarrit në Shtetet e Bashkuara të Amerikës. Në lankaster të kalifornisë, një grua dhe katër fëmijët e saj, nën 12 vjec, janë gjetur të vdekur brenda një shtëpie, të vrarë me armë zjarri. Sipas të dhënave të para të mediave amerikane, masakra ka ndodhur mbrëmjen e të dielës. Dyshimet kanë rënë menjëherë mbi babain e fëmijëve, i arrestuar pasi u dorëzua vetë në zyrën e sherifit. Viktimat, përvec gruash, ishin një vajzë dhe tre djem, dhe kishin të gjithë plagë me armë zjarri në pjesën e sipërme të gjoksit. Burri u paraqit para autoriteteve dhe u mor në pyetje nga hetuesit për tu arrestuar menjëherë më pas – tha departamenti i policisë lokale. Nuk janë publikuar ndërkohë as emrat e viktimave dhe as ai i vrasësit. Lankaster, vendi ku ndodhi tragjedia, ndodhet në veri të Los Angeles, në luginën antelope, në shkretëtirë.