Ushtria e SHBA ka kryer një operacion të madh kundër grupit ekstremist, Shteti Islamik (IS) në Siri. Një veprim që presidenti amerikan “Donald Trump, e përshkroi si “hakmarrje shumë serioze” ndaj sulmit që la të vrarë tre amerikanë, dy prej të cilëve ushtarë dhe një tjetër përkthyes. “ Forcat amerikanepo shkaktojnë një hakmarrje shumë serioze, ashtu siç premtova, ndaj terroristëve vrasës që janë përgjegjës”, dhe se ata që sulmojnë amerikanët “DO TË GODITEN MË FORT SE KURRË MË PARË”., shkroi Trump në Truth Sociale. “Forcat amerikane kanë kryer sulme ajrore në Siri për të eliminuar luftëtarët e IS-it, infrastrukturën dhe depot e armëve në një përgjigje të drejtpërdrejtë ndaj sulmit ndaj forcave amerikane që ndodhi më 13 dhjetor në Palmira të Sirisë”, tha sekretari amerikan i Mbrojtjes*, Pete Hegseth, përmes një postimi në X. Ai shtoi se “Ky nuk është fillimi i një lufte, por një hakmarrje”, duke paralajmëruar se të tjerë armiq do të vriten. Komanda Qendrore e SHBA-së njoftoi se forcat amerikane kanë “nisur një sulm në shkallë të gjerë kundër infrastrukturës dhe objekteve të armëve të IS-it në Siri”. Po ashtu njoftuaun se aksioni u shtri në disa zona. Vëzhguesi sirian për të Drejtat e Njeriut, i tha AFP-së se të paktën pesë anëtarë të IS-it, përfshirë udhëheqësin e një celule, u vranë gjatë sulmeve të kryera gjatë natës nga SHBA-ja.