Shtatë persona u vranë dhe të paktën 15 të tjerë u plagsoën gjatë një sulmi me raketa të ndërmarrë nga Rusia në infrastrukturën përreth portit ukrainas të Detit të Zi, Pivdennyi, në rajonin e Odesës. Ofensiva vjen si një kundërpërgjigje ndaj Kievit që njoftoi më herët se kishte sulmuar një tanker rus të “flotës në hije” me dronë ajrorë pranë brigjeve të Libisë të premten, në sulmin e parë të tillë në Mesdhe që nga pushtimi në shkallë të plotë i Moskës. Odesa, një pikë qendrore e eksporteve të grurit dhe eksporteve të tjera ukrainase, ka qenë një objektiv i shpeshtë i sulmeve ruse. Zëvendëskryeministri i Ukrainës, Oleksiy Kuleba, tha se Ukraina po bisedonte me autoritetet moldave për të gjetur rrugë alternative larg zonës së prekur, në mënyrë që kamionët dhe pasagjerët të mund të kalonin kufirin.