Ishte një natë shumë e ftohtë marsi të vitit 1997, në një kasolle prej balte lart në malet e Afganistanit lindor dhe ne ishim të rrethuar nga luftëtarë të al-Kaedës të armatosur mirë. Peter Arnett i bëri udhëheqësit të tyre një pyetje të thjeshtë: “Cilat janë planet tuaja të ardhshme?” Osama bin Ladeni u përgjigj: “Do t’i shihni dhe do të dëgjoni për ta në media, me vullnetin e Zotit.” Ishte intervista e parë televizive e Bin Ladenit dhe ai me ekipin e tij kishin zgjedhur Arnett dhe CNN për ta realizuar atë, kujton reporteri Peter Bergen. Vitin pasardhës, bin Ladeni e realizoi kërcënimin e tij të frikshëm me sulme pothuajse të njëkohshme të al-Kaedës ndaj dy ambasadave amerikane në Afrikë, të cilat vranë më shumë se 200 persona. Në vitin 2000, njerëzit e tij bombarduan anijen luftarake USS Cole në Jemen, duke vrarë 17 marinarë amerikanë. Pastaj, sigurisht, pati sulme të 11 shtatorit që vranë pothuajse 3,000 persona dhe rezultuan në një “Luftë Globale kundër Terrorizmit”.