Irani beson se pas vrasjes së shkencëtarit të rëndësishëm Mohsen Fakhrizadeh qëndron Izraeli dhe një grup opozitarësh të dëbuar, të cilët kanë përdorur për këtë qëllim sipas zyrtarëve të republikës islamike, një armë të kontrolluar në distancë. Në fjalimin e mbajtur në funeralin e Fakhrizadeh në Teheran, shefi I sigurisë Ali Shamkhani tha se agresorët kishin përdorur “ pasjije elektronike” dhe vetë, nuk kanë qënë të pranishëm në vendngjarje. Ai nuk dha detaje të mëtejshme, ndërsa më herët ishte raportuar nga ministria e mbrojtjes se shkencëtari u qëllua nga disa persona të armatosur që shënjestruan makinën e tij. Izraeli deri tani nuk ka reaguar ndaj këtyre pretendimeve. Fakhrizadeh mbeti I vrarë gjatë një sulmi në periferi të Teheranit në 27 nëntor. Ai është parë gjerësisht nga inteligjenca perëndimore si arkitekti i përpjekjeve klandestine të Iranit për të zhvilluar armë atomike. Por ndonëse inteligjenca perëndimore këmbëngul për një gjë të tillë, Irani mohon që Fakhrizadeh të jetë përfshirë në sipërmarrje të kësaj natyre e mohon gjithashtu të ketë pasur përpjekje për të përdorur uraniumin e pasuruar për energji bërthamore. Pamjet: AFP