Policia e Gjirokastrës vijon hetimet për të gjetur se kush fshihet pas vrasjnes së biznesmenit italian Edorado Sarchi. hetuesit morën në puyetje dëshmitarët okularë në vendngjarje: ortaku në biznes i 44-vjeçarit, Eqrem Braçi, dhe dy djemtë e tij, si dhe Armir Hitoveizi, i gjendur rastësisht pranë zonës së krimit me qëllim që të rindërtonin edhe njëherë skenën e krimit. ata treguan se mjetet me të cilat po lëviznin drejt Nivicës u ndaluan nga një breshëri të shtënash, ëq fillimisht ndaluan e më pas rinisën sërish drejt 44-vjeçarit Edorado Sarchi, i cili ishte në drejtim të njërës prej makinave dhe që mbeti viktimë. Të shtënat vinin nga një person i panjohur që qëndronte para makinave në këmbë. Por, këto dëshmi nuk kryqëzohen me të dhëna të tjera, pasi në zonë mungojnë kamerat e sigurisë, si edhe në vendngjarje nuk është gjetur asnjë gëzhojë. Pavarësisht provave të pakta materiale, grupi hetimor po e zgjeron hetimin në lidhje me konfliktet e mundshme të biznesmenit. Dyshimet deri më tani janë se vrasësit ose bashkëpunëtorët në krim janë pjesë e rrethit të biznesmenit.