Nuredin Dumani është autori I vrasjes së Bujar Çelës, vëllait të Talo Çelës. Sipas njoftimit të policisë strukturat hetimore të Drejtorisë Vendore të Policisë Elbasan, nën drejtimin e Prokurorisë së Rrethit Gjyqësor Elbasan, pas një pune intensive hetimore 20 ditore zbuluan dhe dokumentuan me prova ligjore ngjarjen e ndodhur në datën 17 Shtator 2020, ku pranë rreth-rrotullimit të Bradasheshit, Elbasan, mbeti i vrarë me armë zjarri Bujar Çela. Gjykata e Rrethit Gjyqësor Elbasan, ka caktuar masën e sigurisë "Arrest me burg", për shtetasin Nuredin Dumanin, 37 vjeç, lindur në Dibër dhe banues në Durrës, për veprat penale "Vrasje me paramendim" e kryer në bashkëpunim dhe "Armëmbajte pa leje". Në drejtimin e Prokurorisë së Rrethit, vijon puna intesive për kapjen e autorit të shpallur në kërkim, si edhe idetifikimin e personave të tjerë të implikuar në këtë veprimtari kriminale. Nuredin Dumani, akuzohet se ka marrë pjesë edhe në ekzekutimin e dy vëllezërve në Durrës, Viktor dhe Besmir Haxhia. Gjithashtu, 37 vjeçari dyshohet edhe për një tjetër vrasje të ndodhur në Durrës, ajo e dy shokëve: Anxhelo Avdiaj dhe Dorian Shkoza. Policia ka dyshime të forta se Dumani ka kryer edhe nje vrasje në Rrogozhine. Nuredin Dumani ka qenë edhe shok me Klevis Kapllanin, të riun që u ekzekutua në Rrogozhinë, vetëm 200 metra laerg banesës së tij dhe 37 vjeçari është I dyshuari kryesor për këtë vrasje.