Mediat vendase e përshkruajnë Vjosa Osmanin si “Të patrembur”; ajo ishte ndër të parët që foli kundër eliptave të korruptuara, dhe mes një skene të ngarkuar politike me interesa të fshehta e luftra të ashpra pushteti, arriti të fitojë respektin e njerëzve per guximin dhe pastërtinë e figurës së saj. Kosova nuk mund të bëjë përpara nëse ne nuk rrëzojmë murin e madhe e të fuqishëm të krimit dhe korrupsionit, që është ndërtuar prej vitesh, I tha Vjosa së fundmi AFP-së. dhe është pikërisht kjo qasje e saj që I nxiti kosovarët ta shihnin si një forcë shtytëse drejt një ndryshimi pozitiv. Më shumë se 300 mijë vota mori politikania 38 vjecare në zgjedhjet e pergjithshme të 14 shkurtit, duke iu afruar rekordit të 350 mijë votave që e mban “babai I kombit” Ibrahim Rugova. Një shenjë e qartë e mbështetjes për atë që perceptohej si një figurë e ndershme, dhe si një model I rolit femëror në një shoqëri me gjurme të forta patriarkalizmi. Këtë e përmendi dhe vetë së fundi në një postim më Tëitter. “ Duhet ta luftojmë mentalitetin ku gratë nuk trajtohen njësoj me burrat, dhe kjo fillon me qeverisjen ndryshe ”, shkruante ajo. Vjosa Osmani është presidentha e dytë femër në Kosovën që pavarësinë e shpalli në 2008-tën. Së bashku me Albin Kurtin, ata celën një kapitull të ri në skenën politike të vendit, të dominuar prej vitesh nga ish komandantë të luftës. Fitoren dërrmuese në zgjedhjet e fundit e morën me biletën e anti-korrupsionit. Ajo ishte një sprovë e kaluar me sukses, por tani fillon një sfidë edhe më e madhe për dyshen zgjoi shpresën në zemrat e kosovarëve. Ajo është t`I qëndrojnë besnikë zotimeve të marra, e të mos asimilohen dhe vetë prej sistemit të korruptuar që aq fort që luftuan, për të mos zhgënjyer njerëzit që I dhanë besimin e tyre me shpresën se dicka do të ndryshojë vërtet.