Top News – ‘Viktimat në Bucha, janë aktorë!’ / Rusia fajëson Britaninë: Londra është ‘regjisorja’

Rusia i është kundërpërgjigjur tmerreve që bota pa në qytetin ukrainas Bucha, duke drejtuar gishtin drejt Britanisë, që sipas saj ka inskenuar skenat makabër për të hedhur fajin mbi presidentin Vladimir Putin, për krime të supozuara lufte. Imazhet shiokuese nga qyteti afër Kievit, tregonin trupa civilësh të pajetë në rrugë apo në varre masive, shumë prej tyre me duar të lidhura pas shpine dhe me shenja torture. Por Kremlini mohon që një masakër ka ndodhur, me televizionin shtetëror që raporton se gjithcka ka qenë e inskenuar dhe një provokim, i bërë nga profesionistë që me gjasë janë britanikë. Makineria e propagandës së Putinit në vazhdimësi në fakt është përpjekur të mbulojë përfshirjen e rusisë në mizoritë e para, përfshirë përdorimin e bombave me vakuum në sulme. Moska madje që prej fillimit të pushtimit ka akuzuar Ukrainën se është nën një regjim nazist ndërsa vazhdon të mohojë përgjegjësinë për sulme mbi civilët. Dhe tani, Gevorg Mirzayan, një analist politik, thotë në televizionin e kontrolluar nga shteti rus, Channel 1, se mizoritë më të fundit në Bucha janë isnkenuar nga perëndimi. Ai thotë se skenat në qytet janë të rreme dhe të bëra nga profesionistë që me shumë gjasa, janë britanikë. Sipas tij, britanikët janë më të mirët në fushën e operacioneve informative. Në një tjetër media shtetërore ruse thuhej se britania ka punuar me këshilltarin e presidentit Zelenski, Oleksiy Arestovich, për të vendosur trupat e pajetë për ta bërë të duket si një masakër e rusëve.