Vijon procesi gjyqësor për ish presidentin e Federatës Spanjolle të Futbollit, Luis Rubiales që është nën akuzë për agresion seksual për shkak të puthjes së dhënë ndaj futbollistes Jennifer hermoso. Këtë të martë ish shefi i qeverisë së futbollit spanjoll u shfaq përpara gjykatës për të dhënë dëshminë e tij për atë cfarë ndodhi në vitin 2023 me Rubiales që këmbënnguli se puthja ishte konsensuale ‘Lojtaret po vinin të merrnin medaljet-tha Rubiales-në atë moment jenni u afrua. Njihemi prej vitesh. Kishte gabuar një penallti dhe i thashë ta harronte sepse u shpallëm kampione. Më përqafoi më ngriti, e pyeta nëse mund t’i jepja një puthje të vogël dhe pranoi. Pas përqafimit dhe pasi më dha lejen ia mora kokën në duar. Në fillim ishte pyetja, pastaj përgjigjja dhe më pas puthja. Ishte si ta përqafoja. Jam i sigurt se më dha leje’