Koalicioni i organizatave për vëzhgimin e zgjedhjeve në Kosovë, Demokracia në Veprim (DnV) njoftoi të dielën se në bazë të të dhënave që zotëron 97 për qind e vendvotimeve janë hapur në kohën e dihur ndërsa 3 për qind, pas orës 7 e 15 minuta. Në Kosovë të dielën po mbahen zgjedhjet e parakohshme parlamentare. “Tre për qind e vendvotimeve janë hapur pas orës 7:15. Në këto vendvotime kemi pasur vonesa të materialeve. Vonesa të fletvotimeve me kusht gati në 6 për qind të vendovimeve. Ka pasur mungesë të vulave, listave të votuesve dhe të sprejit në 3 për qind. Këto kanë ndikuar që kjo përqindje e vendvotimeve të hapet me vonesë”, Demokracia në Veprim ka angazhuar 500 vëzhguesë në tërë territorin e Kosovës, të cilët mbështeten nga 50 ekipe mobile dhe 60 vullnetarë. Kryeziu tha se prania e materialit propagandues, në 100 metra nga vendvotimet, vazhdon të jetë prezent në 1 për qind të vendvotimeve. Prania e një materiali të tillë është e ndaluar me ligj, prandaj ai u bëri thirrje partive politike dhe menaxherëve të qendrave të votimit që të largojnë këto materiale. Në lidhje me respektimin e masave kundër pandemisë, Kryeziu bëri të ditur se në 95 për qind të vendvotimeve po respektohet këto masa, por, sipas tij ka një përqindje ku nuk po respektohet masat