Veteranët e Luftës së Ushtrisë Çlirimtare të Kosovës, do të bojkotojnë oranizimet festive të qeverisë sëë Albin Kurtit, që do të bëhen me rastin e 27-vjetorit të Epopesë së UÇK-së. Menjëherë pas këtij lajmi ka reaguar edhe Komandanti I Forcave të Sigurisë së Kosovës, biri I familjes Jashari, Bekim Jashari. Në një postim në Facebook, ish-kryetari i Skenderajt Bekim Hamëz Jashari thotë se bojkoti i këtyre momenteve nuk ndryshon rrjedhën e historisë, por “flet shumë për ata që zgjedhin ta bëjnë.” “Kur erdhi dita për t’i dalë zot atdheut, bijtë dhe bijat e Kosovës iu përgjigjën kushtrimit pa hezitim, duke lënë mënjanë çdo dallim. Vetëm pak ishin ata që bojkotuan dhe nuk u bënë pjesë e “dasmës së lirisë”. Sot kemi mijëra arsye për të festuar lirinë dhe pavarësinë, të fituara me gjak dhe sakrificë. Kosova është meritë e të gjithëve, dhe në vend të bojkotit, mirënjohja dhe nderimi për ata që na sollën lirinë duhet të na bashkojnë. Siç thoshte mixha Rifat: “Humba 56 anëtarë të familjes, por fitova zemrat e miliona shqiptarëve.” Asgjë nuk mund ta zbehë madhështinë e kësaj feste! Lavdi dëshmorëve!”, ka shkruar Jashari.