Jens Stoltenberg, do të vijojë të mbajë postin e sekretarit të përgjithshëm të NATO-s edhe për një vit, për të ndihmuar në drejtimin e aleancës ushtarake prej 30 shtetesh, për të përballuar krizën e sigurisë të shkaktuar nga lufta e Rusisë kundër Ukrainës. “I nderuar nga vendimi i krerëve të shteteve dhe qeverive të NATO-s për të zgjatur mandatin tim si Sekretar i Përgjithshëm deri më 30 shtator 2023. Ndërsa përballemi me krizën më të madhe të sigurisë, ne qëndrojmë të bashkuar për ta mbajtur Aleancën tonë të fortë dhe popullin tonë të sigurt”, shkruajti Stoltenberg në një postim në Tëitter. Ish-kryeministri norvegjez, Jens Stoltenberg u emërua në postin më të lartë civil të NATO-s në tetor 2014. Kjo është hera e dytë që mandati i tij zgjatet. 63 vjeçari, Stoltenberg, e ka përshkruar luftën e Rusisë kundër Ukrainës si “situatën më serioze të sigurisë në të cilën jemi ndodhur për dekadat e fundit”.