Qeveria e Kosovës është duke u kordinuar me komunat për shpërndarjen e vaksinave kundër COVID-19.Drejtori ekzekutiv i Asociacionit të Komunave të Kosovës, Sazan Ibrahimi, tha , se pas një takimi që kanë zhvilluar me ministrin e Shëndetësisë, Arben Vitia, janë informuar se qytetarët në komunat e Kosovës, do të kenë mundësinë që shumë shpejt të marrin vaksinat kundër COVID-19."Trembëdhjetë mijë doza do t'i jepen stafit shëndetësor, i cili është duke u përballur me pandeminë në vijë e parë të frontit dhe 11 mijë doza do të shpërndahen gjithashtu në këtë kontingjent dhe do tu jepen personave të cilët kanë moshën mbi 80 vjeçare dhe të cilët kanë sëmundje kronike, kështu na është thënë nga ana e ministrit Vitia", shpjegoi Ibrahimi. Sipas tij, komunat e Kosovës, janë të përgatitura për procesin e vaksinimin të populates.Sipas një Plani për vaksinim, që është i ndarë në tri faza, Kosova fillimisht do të vaksinojë punëtorët shëndetësorë, personat e moshuar dhe ata me sëmundje kronike. Të dielë, atje mbërriti kontingjenti i parë i vaksinës kundër koronavirusit, të kompanisë AstraZeneca. Ministri Vitia shpjegoi se 24.000 dozat e vaksinës do të përdoren fillimisht për të vaksinuar punëtorët shëndetësorë të Klinikës Infektive dhe se fushata e imunizimit do të niste gjatë kësaj jave.