Varianti i ri i koronavirusit i zbuluar në Britaninë e Madhe, ka prekur tashmë një numër të madh vendesh në botë, që kanë raportuar këto ditë rastet e para të infektimit me mutacionin e ri. Në spanjë, u konstatuan katër të prekur, të gjithë të ardhur nga britania e madhe. Asnjë prej tyre sipas zyrtarëve nuk ka simptoma të rënda. Suedia dhe Franca kanë njoftuar po ashtu rastet e para.Autoritetet suedeze folën për një person të ardhur nga britania e madhe që është futur në karantinë tashmë. Edhe në francë, rasti i konfirmuar ishte i sapoardhur nga britania e madhe. Japonia mori masa të drejtpërdrejta duke ndaluar nga e hëna hyrjen e të huajve në vend dhe rregulli do të mbetet në fuqi deri në fund të janarit. Vendimi erdhi pas zbulimit të variantit të ri të virusit tek disa persona të ardhur nga britania. Edhe presidenti i filipineve, Rodrigo Duterte zgjati vendimin për ndalimin e fluturimeve nga britania e madhe deri në mes të janarit. Ai madje ka urdhëruar që edhe pasagjerët që vijnë nga vende të tjera, ku është zbuluar tashmë varianti më infektues i koronavirusit, përfshirë Hong Kongun, Singaporin, australinë dhe japoninë të hyjnë në karantinë 14 ditore në mbërritjen në vend. Varianti i ri i koronavirusit i konfirmuar në britani mendohet se është deri në 70 për qind më infektues se varianti i mëparshëm, dhe shfaqja e tij shkaktoi shqetësim në të gjithë botën.