Varianti i koronavirusit që u zbulua fillimisht në Britaninë e Madhe ka shkaktuar gjysmën e të gjitha infektimeve të reja me covid 19 në Holandë, deri më 26 janar. Pohimi është bërë nga ministri holandez i shëndetit. Javën e kaluar, autoritetet shëndetësore të vendit thanë se varianti i ri, më i transmetueshëm ishte përgjegjës për një të tretën e të gjitha rasteve të reja në Holandë. Shkollat fillore dhe kopshtet në Holandë do të rihapen sic është planifikuar më 8 shkurt ndërkohë që shkollat e mesme dhe qendrat e tjera të edukimit do të mbeten të mbyllura. Edhe vende të tjera të evropës janë në alarm për variantin e ri të koronavirusit të shfaqur së pari në britaninë e madhe dhe rastet e tij madje janë konfirmuar tashmë edhe në ballkan, përfshirë këtu kosovën dhe maqedoninë e veriut.