Me mijëra njerëz marshuan në Stamboll të dielën pasi sindikatat denoncuan rritjen e varfërisë në vend dhe kërkuan shtimin e pagës minimale. Turqia aktualisht po përjeton një rënie dramatike të ekonomisë, për shkak se lira turke ka shënuar rekord të ri negativ kundrejt dollarit, duke u këmbyer në raportin 1 me 13 këtë javë e duke humbur 30 për qind të vlerës vetëm muajin e shkuar apo mbi 43 për qind që nga fillimi i vitit. Inflacioni vjetor është rritur në mbi 20 për qind duke reduktuar fuqinë blerëse të turqve. Monedha vendase ka qenë në rënie të lirë pasi presidenti recep Tayip Erdogan ka mbrojtur reduktimin e normës së interesit pavarësisht inflacionit të madh. Erdogani insistoi këtë verë se norma e interesit duhet të bjerë duke thënë se norma e lartë barazon inflacionin e lartë. Ai thotë se po i jep prioritet rritjes ekonomike, që do të zgjerohet me 9 për qind në 2021 dhe 3.5 për qind në 2022. Gjatë një tjetër krize ekonomike në 2018-ën, banka qendrore në mënyrë agresive rriti normën bazë të interesit por mundësia e përsëritjes së kësaj strategjie, nën erdoganin, është minimale. Disa ekspertë kanë akuzuar presidentin se do ta bëjë turqinë më tërheqëse dhe qendër për produktet e lira me pagat e turqve që tani vlejnë më pak nëse kthehen në dollarë. paga minimale mujore neto në turqi prej 2.825 lirash, shkonte në 380 dollarë në janar 2021, por tani, ajo është e barasvlefshme me 222 dollarë.