Zhdukja e karteleve dhe grupeve kriminale ndërkombëtare, është udhëzimi kryesor i presidentit Donald Trump, të cilin e ngarkuara me punë e Shteteve të Bashkuara të Amerikës, Nancy VanHorn ja përcolli ministres së re të brendshme, Albana Koçiu. Detajet nga takimi i bëri me dije selia diplomatike amerikane në Tiranë. Facebook Ambasada Amerikane: “E Ngarkuara me Punë Nancy VanHorn theksoi edhe një herë përkushtimin e qartë të Presidentit Trump në zhdukjen e karteleve dhe grupeve kriminale ndërkombëtare gjatë takimit të saj të parë me Ministren e re të Punëve të Brendshme Albana Koçiun. Duke punuar së bashku, forcat e rendit të Shteteve të Bashkuara dhe Shqipërisë mund të çmontojnë rrjetet e paligjshme financiare dhe të mohojnë strehimin e sigurt për trafikantët e drogës dhe terroristët, duke i bërë të dy vendet tona më të sigurta.” – thuhet në deklaratën e ambasadës amerikane.