Një infermiere në një spital në konektikat u bë e para në shba që mori vaksinën anti covid të modernës, të hënën. Mandy Delgado, e mori vaksinën rreth orës 11.40 minuta. “Jam e emocionuar. Ndihem e privilegjuar”, tha ajo pasi bëri gjilpërën, e pritur me duartrokitjet e kolegëve. Vaksina e parë e modernës vjen pasi administrata amerikane e ushqimeve dhe ilaceve njoftoi të premten pasdite se kishte dhënë miratimin për të. Fillimi i administrimit të saj vjen ekzaktësisht një javë pasi SHBA, vendi më i goditur në botë nga koronavirusi, nisi aplikimin e vaksinës së pfizer dhe biontech. Vaksina e Modernas mund të ruhet në temperaturë -20 gradë celcius, shumë më e ulët nga ajo që kërkon vaksina e Pfizer, që duhet ruajtur në -70 gradë celcius, cka e bën atë më të lehtë të shpërndahet. Që nga miratimi i dhënë nga FDA për vaksinën e Pfizer dhe Biontech, një javë më parë, 2.9 milionë doza janë shpërndarë në shba. Ndërkohë që zyrtarët presin që deri në fund të vitit të shpërndahen 20 milionë doza. Virusi i ka marrë jetën rreth 318 mijë personave në shba, nga gjithsej 18 milionë infektime.