Liderët e BE planifikojnë të vendosin edhe vajzat e presidentit Vladimir Putin në listën më të fundit të sanksioneve ndërsa blloku po përgatit paketën e radhës së ndëshkimeve për moskën nën dritën e krimeve të luftës të kryera në Ukrainë. Katerina Tikhonova, 35 vjec dhe Maria Vorontsova, 36, janë tani në listën më të fundit të BE që ka në shënjestër oligarkë, politikanë dhe ata që thuhet se janë pjesë e rrethit të brendshëm të Putinit. Pak dihet për jetët personale të dy vajzave të presidentit, njëra shkencëtare dhe ish akrobate dhe tjetra një endrinologe, por ato pritet të jenë subjekt i ngrirjes së aseteve dhe ndalimit të udhëtimeve në kontinent duke filluar nga e mërkura. Edhe pse është e paqartë nëse të dyja ato kanë prona jashtë rusisë, jeta e luksit që ato do të mund të kishin në evropë deri më tani, do të duket në vijim një ëndërr e largët. Kjo vjen ndërsa G7, BE dhe SHBA thuhet se kanë rënë dakord për një ndalim të gjithë investimeve në rusi si pjesë e goditjes më të fundit ekonomike për Putinin.