Ushtria gjermane po plaket dhe po tkurret, paralajmëroi të martën komisionerja parlamentare për Forcat e Armatosura, në sfondin e një përpjekjeje për të rishikuar rregullat e huamarrjes për të rritur masivisht shpenzimet e mbrojtjes. Në një raport vjetor të publikuar të martën, Eva Hoegl tha se pavarësisht një përpjekjeje rekrutimi të nisur pas pushtimit rus të Ukrainës, numri i personelit në forcat e armatosura gjermane ka rënë në 181,200 në 2024 nga 181,540 që ishte një vit më parë, ndërsa mosha mesatare ishte rritur në 34 nga 32 që ishte më herët. Kjo e bën qëllimin e Bundesëehr-it për të rritur numrin e personelit në mbi 200,000, akoma më të paarritshëm. Rritja e shpenzimeve i lejoi Gjermanisë të arrinte objektivin e NATO-s për shpenzimet e mbrojtjes prej 2% të prodhimit të brendshëm bruto për herë të parë në vitin 2024, por rreth 82% e një fondi special të mbrojtjes prej 100 miliardë eurosh, i miratuar në vitin 2022 për të ringritur ushtrinë e vendit, tashmë është shpenzuar, sipas raportit.