Vijojnë të jenë të larta shifrat e infektimeve dhe numri i vdekeve për shkak të covid 19 në kosovë, ku vetëm në 24 orët e fundit, 28 persona humbën jetën për shkak të Covid 19. Numri i fataliteteve sa vjen e po kthehet në shqetësim për të gjithë banorët e Kosovës, ku dita ditës shifrat vijojne të jenë te larta. Po në 24 orët e fundit, janë kryer 6 mijë e 130 testime, nga të cilat 489 prej tyre kanë rezultuar pozitivë me covid 19. Ministria e Shëndetësisë bëri me dije se po gjatë këtij harku kohorë, janë shëruar 859 qytetarë, duke e çuar shifrën totale të shëruarve në 124 mijë e 711. Ndërkohë, në të gjithë vendin janë 25 mijë e 290 raste aktive. Nga se bëhet me dije, këtë të hënë në kosovë kanë mbërritur 503 mijë vaksina Pfizer. Vaksinat kanë ardhur si donacion i Shteteve të Bashkuara të Amerikës. Përveç 503 mijëve, kanë ardhur edhe 54 mijë vaksina javore me kontratën mes Pfizerit dhe Ministrisë së Shëndetësisë.