Qeveria amerikane ka ofruar kompensim financiar për të afërmit e 10 personave që u vranë gabimisht nga ushtria amerikane në një sulm me dron në kryeqytetin afgan, Kabul, në Gusht. Një punonjës ndihmash dhe nëntë pjesëtarë të familjes së tij, mes të cilëve shtatë fëmijë, humbën jetën në sulm. Pentagoni tha se po punonte edhe për të ndihmuar anëtarët e mbijetuar të familjes që të vendosen në shtetet e bashkuara.