Edhe pse pritshmëritë ishin të larta, Kryeministri i Kosovës Albi Kurti dhe presidenti serb Aleksandër Vucic nuk kanë arritur marrëveshje për çështjen e targave dhe dokumenteve serbe gjatë rundit të ri të dialogut të mbajtur më 18 gusht në Bruksel. Pas disa raunde takimesh, përfaqësuesi i Lartë i Bashkimit Evropian, Josep Borrell, ai tha se palët janë pajtuar që të vazhdojnë diskutimet në ditët në vazhdim. Borrell tha se takimet në Bruksel midis Kurti dhe Vuçic, me ndërmjetësimin e BE-së, nuk ishin "takime të zakonshme", por "takime për menaxhimin e krizës". Diskutimet në Bruksel vijnë tri javë pas rritjes së tensioneve në veri të Kosovës, teksa serbët ngritën barrikada më 31 korrik dhe 1 gusht. Tensionet në veri të Kosovës erdhën në kohën kur kontinenti evropian po përballet me një situatë të rrezikshme për shkak të pushtimit rus të Ukrainës. Kjo nuk është koha për rritjen e tensioneve. Është koha të shikohet të gjenden zgjidhje dhe të zgjidhen mosmarrëveshjet e vjetra. Kjo ishte hera e parë që brenda një dite u mbajtën dy takime trepalëshe në kuadër të dialogut për normalizimin e raporteve.